الحلقه القبل الاخيره والاخيره من القصه
وهبه فكرت كويس فموضوع الجواز وحبيت تقول رايها لاحمد
هبه : احمد انا فكرت كويس فى موضوع الجواز
احمد : وايه قررتى ايه
هبه : انا موافقه يا احمد بس بصراحه مش عارفه رد فعل بابا هيوافق ولا لا
احمد : طب كلمتى بابا
هبه : لا طبعا انت اللى تكلم بابا مش انا يا احمد
احمد : طب اخلى بابا يقوله احسن
هبه : كلم والدك وقوله الاول يمكن هو يرفض
احمد : حاضر هقوله ان شاء الله بس انتى وافقتى ليه
هبه : بص يا احمد لما سفرت بجد حسيت بقيمه وجودك جنبى اه انا بكلمك على طول بس لما تكون معايا افضل بكتيييييير
احمد : ايوه كدا اعترفى انك من غيرى ولا حاجه
هبه : ههههههههههههههه ماشى ماشى على فكره فرح هشام وسماح اول الشهر الجاى اخبرا هتتجوز واخلص منها
احمد : ههههههههههه من قلبك الكلام دا
هبه : بصراحه لا مش عارفه لما تتجوز هعمل ايه من غيرها
احمد : ابقى سافرى ليهم القاهره مش بعيده
هبه : اكيد هسافر دى سماح
احمد : ربنا يتممالها على خير ويسعدها ويسعدنا يارب
هبه : يارب ياحبيبى يارب
عدى يومين وهبه مشغوله مع سماح فى تحضير الفرح وقرر احمد يقول لوالده على جوازه
احمد : بابا كنت عايزاك فى موضوع ضرورى
والد احمد : خير يابنى
احمد : انا عايز اتجوز
والد احمد : وماله ياحبيبى خلص وتعالى وانا هجوزك
احمد : لا يابابا انا عايز اتجوز هبه وهيا تجيلى
والد احمد : لا بقولك ايه واحده واحده وفهمنى
احمد : يعنى اعمل ليك توكيل وانت تكتب الكتاب بدالى وبعدها ابعت لهبه وتجيلى
والد احمد : اه فهمت طب وهبه موافقه
احمد : اه يابابا موافقه
والد احمد : طب والدها بقا
احمد : لسه مايعرفش انا قولت اقولك الاول عشان حضرتك تكلمه
والد احمد : يابنى صعب يوافق بكدا
احمد : بص يابابا انت هتقوله وهو يفكر براحته ولو رفض يبقا نصبنا نستنا ولو وافق يبقا نتجوز
والد احمد : والمطلوب منى انى اكلمه صح
احمد : انا مليش غيرك يابابا عشان يكلمه
والد احمد : ايوه على طول تدبسنى كدا
احمد : حبيبى انت يابابا
بعد المكالمه اتصل والد احمد بوالد هبه
والد احمد : السلام عليكم ازيك ياحاج
والد هبه :الحمدالله وانت ايه اخبارك يارب تكون بخير
والد احمد : الحمدالله بخير انا كنت عايز اكلمك فى موضوع
والد هبه : اتفضل
والد احمد : احمد عايز يكتب الكتاب وهبه تروحله
والد هبه : ازاى يعنى وهو مش هنا
والد احمد : هيعملى توكيل وانا اكتب الكتاب بداله وبعدين هبه تروحله
والد هبه : ودا ينفع برده هيا مش المفروض تفرح زاى بقيت البنات نعملها فرح من غير عريس ازاى يعنى
والد احمد : والله فى ناس كتير بتعمل كدا الفرحه مش بالفرح والاغانى والهيصه الفرحه بوجود انتين بيحبوا بعض مع بعض
والد هبه : بس اى بنت بتتمنى انها تلبس الفستان الابيض وعرسها جنبها
والد
احمد : ماهى هتسافرله وهيا لبسه فستان الفرح وهتكون معاه هناك بص يا حاج
شوف راى هبه الاول وراى امها وبعدين انت فكر فالموضوع على مهلك وقولى رايك
ساعتها وافقت يبقا انا هخلص كل حاجه هنا موافقتش يبقا نصيبهم يستنوا
والد هبه : خلاص ماشى انا هقول لهبه وامها وهفكر واللى عايزه ربنا هيكون
والد احمد : ونعمه بالله
وقفل والد احمد مع والد هبه واتصل با احمد
والد احمد : انا كلمته بس هو مش مرتاح ومش عجبه
احمد : اه ربنا يستر بقا
والد هبه : انا قولتله ياخد راى هبه وامها وبعدين يفكر براحته ويبلغنى
احمد : تمام يابابا لو اتصل بيك ابقا قولى
والد هبه : حاضر ربنا يسيرلك الخير
احمد : يارب يابابا
وقفل احمد مع والده واتصل بهبه
احمد : ايه ياقمر عامله ايه
هبه : متبهدله سماح بهدلتنى معاها
احمد : عقبال ماتخدمك فى فرحنا يارب
هبه : ولا هتعبرنى كل اللى بتتجوز مش بتعبر اى حد ساعدها
احمد : لا هتساعدك هيا وهشام كمان متلقيش
هبه : لما نشوف
احمد
: حبيبتى انا قولت لبابا وهو اتصل بوالدك دلوقتى هو مش مرتاح للموضوع اوى
بس بابا قاله ياخد رايك انتى ومامتك وبعدين يفكر براحته ويرد عليه ادعى بقا
والدك يوافق
هبه : يارب ياحبيبى يوافق
احمد : هتروحى امتى
هبه : قدامى ساعتين كدا
احمد : اول ماتروحى طمنينى عليكى ماشى
هبه : حاضر
احمد : سلام ياقمرى
هبه : سلام
بعد غلق المكالمه وروحت هبه البيت راح والد هبه نادى على هبه والدتها عشان يقولهم وياخد رايهم
والد هبه : انا ناديتكم عشان اقولكم ان احمد عايز يخلى والده يكتب الكتاب وهبه تسافرله هناك
الام سوسن : يعمل يعنى توكيل لوالده
والد هبه : اه واحنا نعملها فرحان هنا من غير العريس وتسافرله بفستان الفرح
الام سوسن : وانت ايه رايك
والد هبه : ملكمش دعوه براي قولوا الاول رايكم رايك ايه ياهبه
هبه : بص يابابا انا موافقه وهقولك اسبابى انا يابابا مش عايزه اعمل فرح وهيصه وخلاص انا فرحتى لما هكون جنب حبيبى
الام سوسن : وانا موافقه مدام دا هيبسط بنتى
والد هبه : ماشى وانا مش موافق بس هفكر تانى
الام سوسن : وليه مش موافق
والد هبه : خلاص انا قولت هفكر
وراحت هبه على اوضتها عشان تكلم احمد وتحكيله اللى حصل
وبعد 3 ايام جاه موعد فرح سماح وهشام
وعدى اليوم على خير وسافرت سماح وهشام على القاهره
راح والد هبه اتصل بوالد احمد عشان يقوله رايه على فكره الجواز
والد هبه : انا فكرت كتير فالموضوع وسالت هبه وامها وقالولولى موافقين وانا كمان موافق اهم حاجه عندى سعاده بنتى
والد
احمد : ربنا يسعدهم يارب دايما خلاص هخلى احمد يعملى توكيل ويبعته وهاجيلك
البيت نكتب الكتاب ونتفق على كل حاجه وعلى الفرح وبعد كتب الكتاب هبعت
الورق لاحمد عشان يبعت لهبه
والد هبه : ماشى هستناك تنور فاى وقت
والد احمد : ربنا يخليك وربنا يتممالهم على خير
والد هبه : يارب
وبعد ما احمد بعت التوكيل وكتبوا الكتاب وجاه موعد الفرح
الام سوسن : اكيد اى ام فاليوم دا بتحب تتكلم مع بنتها براحتها وتقولها نصايح بس انا هقولك حاجه واحده بس
هبه : ايه هيا ياماما
الام سوسن : راعى ربنا فكل حاجه فحياتك وفجوزك عشان احمد يراعى ربنا فيكى
هبه : اكيد هراعى ربنا يا امى لانى بحب احمد جدا
الام سوسن : هتوحشينى اوووووووووى ياهبه مش عارفه من غيرك هعمل
هبه
: ياحبيبت قلبى انا كل يوم هكلمك نت وهفتحلك الكاميرا كانى معاكى على طول
ياحبيبتى وانتى كمان هتوحشينى اوى هيوحشنى حضنك الدافئ ياماما
الام : مش قدر اقولك غير ربنا يسعدك ويرجعك ليا بالسلامه
هبه : يارب ياحبيبتى
وعملوا الفرح من غير العريس وهبه عيطت كتير هيا وسماح والدت هبه عشان فراق هبه ليهم
وطبعا والد احمد والد هبه راحوا يوصلوا هبه للمطار
والد هبه : اول ماتوصلى طمنينى عليكى
هبه : حاضر يابابا متقلقش ياحبيبى
والد هبه : خلى بالك من نفسك ولو احتجتى اى حاجه كلمينى على طول واوعى تزعلى احمد واسمعى كلامه فاهمه
هبه : حاضر يابابا خلى بالك انت من نفسك ومن ماما وهادى
والد هبه : حاضر ياحبيبتى
وسلم عليها وجاه والد احمد يسلم على هبه
والد احمد : خلى بالك من نفسك ومن احمد ولو عزلك احمد فاى وقت كلمينى
هبه : ههههههههه على طول هكلمك ربنا يخليك ليا
والد احمد : توصلى بالسلامه ومتنسيش تطمنينا عليكى
هبه : حاضر مع السلامه
والد احمد و والد هبه : مع السلامه
وركبت
هبه الطياره ووصلت عند احمد بالسلامه واول ماشاف احمد هبه وهيا بتعمل
الاجراءات راح اتصل بوالد هبه والده عشان يطمنهم ان هبه وصلت بالسلامه
احمد : حمدالله على السلامه ياحبيبتى
هبه : الله يسلمك ياحبيبى
احمد : الفستان تحفه عليكى يلا عشان اصحابى عملين فرح لينا هنا
هبه : لا بجد
احمد : اه والله
هبه : وانا هحضر فرحين ولا ايه طب عايزه اعدل الميكياج
احمد : فى مكان عشان تحضرى نفسك يلا هنتأخر
هبه : يلا ياحبيبى
وعملوا الفرح التانى وعاشوا حياتهم مبسوطين وطبعا بيحصل مابنهم مشاكل بس كانت بتعدى على خير
ورجعت هبه واحمد مصر بعد 6 شهور وبعد سنه من جوزهم بقا عندهم بيبى صغنونه اسمه يوسف وطلع كتير امور
وسماح وهشام جابوا بنتوته زاى القمر وسموها هبه وهيا اصغر من يوسف باسبوع واحد
وعاشوا حياتهم مع بعض فى الحلو والمر مع بعض
انتهت القصه
القصه
من خيال أخت رؤى
موضوع: العين تدمع مرتين الحلقة 9و 10 الجزء الثاني 
الأربعاء أغسطس 03, 2011 7:52 am